ಸೊಮ್ಯಾ ತುಜ್ಯಾ ಮಂದಿರಾಂತ್ ಆಮಿ ಆಯ್ಲ್ಯಾಂವ್
ಅರ್ಗಾಂ ಸ್ತುತಿ ಗಾಂವ್ಕ್ ಎಕ್ಟಾಂಯ್ ಜಾಲ್ಯಾಂವ್
ಪಾತ್ಕಾಂ ಆಮ್ಚಿಂ ವಳ್ಕತಾಂವ್ ಭೊಗ್ಸಣೆಂ ಮಾಗ್ತಾಂವ್
ಯಾಜಕಾ ಸಂಗಿಂ ಮೆಳೊನ್ ಬಲಿ ಭೆಟಯ್ತಾಂವ್ (2)

1. ಪವಿತ್ರ್ ಸ್ನಾನಾಂತ್ ತುಜೆ ಸಂಗಿಂ ಎಕ್ವಟ್ಲಾಂವ್
ತುಜ್ಯಾ ಯಾಜಕ್ಪಣಾಂತ್ ವಾಂಟೆಲಿ ಜಾಲ್ಯಾಂವ್
ತುಜೆ ಸಂಗಿಂ ಮೆಳೊನ್ ಬಲಿ ಭೆಟಯ್ತಾಂವ್
ಖುರ್ಸಾ ಮೊರ್ನಾಂತ್ ತುಜ್ಯಾ ಭಾಗ್ ಆಮಿ ಘೆತಾಂವ್.

2. ದೈವಿಕ್ ಖಾಣಾನ್ ತುಜ್ಯಾ ಆಮ್ಕಾಂ ತುಂ ಪೊಸ್ತಾಯ್
ಜಿವಿತ್ ಆಮ್ಚೆಂ ಕುರ್ಪೆನ್ ತುಜ್ಯಾ ನೆಟಯ್ತಾಯ್
ಪವಿತ್ರ್ ದೇವ್ ತುಂ ಆಮ್ಚೆ ಥಂಯ್ ಬಿಡಾರ್ ಕರ್ತಾಯ್
ದೈವಿಕ್ ಕುಟಮ್ ಬಾಂದುಂಕ್ ಆಧಾರ್ ಲಾಭಯ್ತಾಯ್.