ಸೊಮ್ಯಾ ತುಜ್ಯಾ ನಾಂವಾನ್ ಆಮಿ ಸಾಂಗಾತಾ ಮೆಳ್ಳ್ಯಾಂವ್
ಸಂತೊಸ್ಭರಿತ್ ಕಾಳ್ಜಾನ್ ತುಕಾ ಹರ್ಸಿತಾಂವ್
ತುಜೆಂ ಮರಣ್ ಜಿವಂತ್ಪಣ್ ಆಮಿ ಸಮರಂಭ್ತಾಂವ್
ಸರ್ಗಿಂ ಜೆವ್ಣಾಂತ್ ತುಜ್ಯಾ ಆಮಿ ಭಾಗ್ ಘೆತಾಂವ್

1. ಸೊಮ್ಯಾ ಜೆಜು ಕ್ರಿಸ್ತಾ, ಸೊಡ್ವಣ್ದಾರಾ
ಉಪ್ಕಾರಾಂಕ್ ಸರ್ವ್ ತುಜ್ಯಾ ಅರ್ಗಾಂ ದಿತಾಂವ್
ರಗ್ತಾನ್ ತುಜ್ಯಾ ಆಮ್ಕಾಂ ನಿತಳ್ ಕೆಲ್ಯಾಂಯ್
ಖುರ್ಸಾಚ್ಯಾ ಮರ್ಣಾ ಥಾವ್ನ್ ಜಿವಿತ್ ದಿಲಾಂಯ್

2. ಸೊಮ್ಯಾ ಜೆಜು ಕ್ರಿಸ್ತಾ ಬರ್ಯಾ ಗೊವ್ಳ್ಯಾ
ಚುಕೊನ್ ಗೆಲ್ಲ್ಯೊ ಶೆಳಿಯೊ ಆಮಿ ತುಜ್ಯೊ
ಹಿಂಡಾಂತ್ ತುಜ್ಯಾ ಆಮ್ಕಾಂ ರಾಕುನ್ ವ್ಹರ್
ವಿಘ್ನಾ ಅನ್ವಾರಾಂತ್ಲಿಂ ಆಮ್ಕಾಂ ನಿವಾರ್