1. ಸಂತೊಸಾಚಿಂ ಮೆಟಾಂ ಕಾಡುನ್,
ಎಕಾಮೆಕಾಕ್ ಲಾಗಿಂ ಹಾಡುನ್
ಪಾವ್ಲ್ಯಾಂವ್ ಬಾಪಾ ತೆಂಪ್ಲಾಕ್ ತುಜ್ಯಾ ಎಕಾ ಮನಾನ್
ಮೊಗಾನ್ ಹಾಡ್ಲ್ಯಾಂಯ್ ಲಾಗಿಂ ವೊಡುನ್
ಆತಾಂ ತುಜಿ ಕುರ್ಪಾ ಜೊಡುನ್
ದಿತಾಂವ್ ಅರ್ಗಾಂ ಸಮೆಸ್ತ್ ಆಮಿ ಎಕಾ ಕಾಳ್ಜಾನ್

ಎಕಾ ತಾಳ್ಯಾನ್ ಗೀತ್ ಹೆಂ ಗಾಯ್ತಾಂವ್}2
ಮನಾನ್ ಆನಿ ಕಾಳ್ಜಾನ್ ಏಕ್ ಜಾತಾಂವ್}2
ಏಕ್‍ಚ್ ಕುಟಮ್ ತಶೆಂ ಜಾವುನ್}2
ಮಾಗ್ತಾಂವ್ ಬಾಪಾ ತುಜೆಂ ಬೆಸಾಂವ್}2

2 ಭಾವಾರ್ಥ್ ಆಮ್ಚೊ ಚಡಯ್ ತುಜೆರ್
ಭರ್ವಸೊ ಆಮ್ಚೊ ಸೊಮ್ಯಾ ಥಿರ್ ಕರ್
ಮೊಗಾನ್ ತುಜ್ಯಾ ಸದಾಂಚ್ ಆಮ್ಕಾಂ ಸಾಂಬಾಳ್ನ್ ತುಂ ಧರ್
ಸೊಮ್ಯಾ ಆಮ್ಚಿ ಕಾಕುಳ್ತ್ ತುಂ ಕರ್
ಕುರ್ಪೆನ್ ಆಮ್ಕಾಂ ನವ್ಯಾನ್ ತುಂ ಭರ್
ಆಯ್ತಿಂ ಕರುನ್ ಬಲಿ ಭೆಟೊಂವ್ಕ್ ಬಾಪಾ ಸಮೊರ್